Familietur til Okken (1686 moh)

Bratt opp Okkegrovi
Bratt opp Okkegrovi Foto: Rolf Engløkk

20 spreke turfolk

Tok turen til Okken sundag 30. juli 2017. Fleire hadde born med, og det såg ikkje ut til at 500 høgdemeter fra parkering ved Okkegrovi og til varden på 1679 moh, som var turmålet, var så tungt for dei heller. Opp Okkegrovi var det bratt og tungt, men etter kvart vart det litt lettare opp fjellsida til Okken.
Okken er ikkje flat på toppen, det er både knausar og små dalsøkk, men underlaget er godt å gå på. Ved varden tok me oss god tid til både mat og nyta utsikten, eit slik panorama må ein leita lenge etter! 
På attendeturen ville fire av turfølget gå om høgste punktet på 1686 moh, medan dei andre gjekk same veg ned som opp. Alle møttest på toppen av Okkegrovi.
Det var meldt litt usikkert ver, men skodda trekte seg ut Øydalen da vi byrja på oppstigninga, litt vind på turen opp, men ved varden skein sola!
Dei som ikkje har vori på Okken og sett på utsikten bør ta turen, den er ikkje avskrekkande tung!

Skodda dreg seg ut Øydalen
Skodda dreg seg ut Øydalen Foto: Rolf Engløkk
På øvste kanten av Okkegrovi
På øvste kanten av Okkegrovi Foto: Rolf Engløkk
Me ser varden som ein liten prikk mellom to turfolk
Me ser varden som ein liten prikk mellom to turfolk Foto: Rolf Engløkk
Døme på utsikta, her ned i Ljøsnebygda
Døme på utsikta, her ned i Ljøsnebygda Foto: Rolf Engløkk
Her inn i statsalmenningen
Her inn i statsalmenningen Foto: Rolf Engløkk
Alle som var med på turen
Alle som var med på turen Foto: Rolf Engløkk
Og vi som var på høgste punktet
Og vi som var på høgste punktet Foto: Rolf Engløkk
På tur ned att Okkegrovi
På tur ned att Okkegrovi Foto: Rolf Engløkk

Skrevet av Rolf Engløkk 1. august 2017